இந்தியாவில் தொடர்ந்து அதிகரித்து வரும் கொரோனாவின் தாக்கம் அதிகரித்து கோடி செல்கிறது, இதற்கிடையில் மனா ஆறுதல் செய்தியாக கொரோனாவின் இந்தியா முழுவதும் 15 மாநிலங்களின் 25 மாவட்டங்களில் கடந்த 14 நாட்களில் புதிய கொரோனா தொற்றுகள் எதுவும் இல்லை. இந்த 25 மாவட்டங்கள் முதலில் கொரோனா தொற்றுள்ள நபர்கள்கண்டறியப்பட்டன. ஆனால் கடந்த 14 நாட்களாக எந்த வித புதிய கொரோனா தொற்று வராத நிலையில், இந்த மாவட்டங்கள் கொரோனாவுக்கு எதிரான போரில் வெற்றி பெற்று வருகின்றது. இருப்பினும், இந்த மாவட்டங்களில் புதிய வழக்குகள் ஏதும் வரக்கூடாது என்று அனைத்து முயற்சிகளும் மேற்கொள்ளப்பட்டு வருவதாக சுகாதார அமைச்சகம் தெரிவித்துள்ளது.
சுகாதார அமைச்சின் இணைச் செயலாளர் லவ் அகர்வால், இந்த மாவட்டங்களின் பெயர்களை பத்திரிகையாளர் சந்திப்பில் குறிப்பிடுகையில், “கொரோனா பாசிட்டிவ் வழக்கு இங்கு வந்தபோது, மாவட்ட நிர்வாகம் பல கட்டுப்பாட்டுகள் விதித்து அதன் கீழ் செயல்பட்டது. அதன் முடிவுகள் நமக்குத் தெரியத் தொடங்கியுள்ளன,. அதே ஆற்றலுடன் நமது விழிப்புணர்வை நாம் தொடர்ந்து பராமரிக்க வேண்டும். எதிர்வரும் நாட்களில் இந்த மாவட்டங்களில் நேர்மறையான வழக்குகள் வராமல் பார்த்துக் கொள்ள வேண்டும்.
“தொழில்நுட்பத்தைப் பயன்படுத்துவது மூலம் பலன் கிடைத்தது”
லவ் அகர்வால் மேலும் கூறுகையில், ‘நாங்கள் எல்லா மட்டங்களிலும் தொழில்நுட்பத்தைப் பயன்படுத்துகிறோம். சரியான நேரத்தில் பதிலளிக்க அதிநவீன தொழில்நுட்பத்தைப் பயன்படுத்துவது மிகவும் முக்கியம். தொழில்நுட்ப உதவியுடன் நேரடி நோய் தொற்று குறித்து தொடர்ந்து கண்காணிப்பு, சரியான திட்டமிடல் ஆகியவற்றை செயல்படுத்துகிறோம்.
இந்த 25 மாவட்டங்களில் கர்நாடகாவில் நான்கு, சத்தீஸ்கரில் மூன்று, கேரளாவில் இரண்டு, பீகாரில் மூன்று மற்றும் ஹரியானாவில் மூன்று மாவட்டங்கள் அடங்கும். இந்த ஐந்து மாநிலங்களில் மொத்த கொரோனா நோயாளிகளின் எண்ணிக்கை 888 ஆகும். இதில், மொத்தம் 285 பேர் நோயோல் இருந்து மீண்டு வீட்டுக்கு அனுப்பப்பட்டு உள்ளனர். இந்த ஐந்து மாநிலங்கள் உட்பட மொத்தம் 12 பேர் கொரோனா நோயால் இறந்துள்ளனர்.
உத்தரகண்டில் கடந்த 100 மணி நேரத்தில் புதிய தொற்று இல்லை.. 7 பேரும் குணமடைந்தனர்:
உத்தரகண்ட் மாநிலத்திலிருந்து ஒரு நல்ல செய்தி வந்துள்ளது. கடந்த 100 மணி நேரத்தில் ஒரு நேர்மறையான வழக்கு கூட வெளிச்சத்திற்கு வரவில்லை என்று முதல்வர் திரிவேந்திர சிங் ராவத் தெரிவித்தார். இதுவரை 7 பேர் மீண்டுள்ளனர். திருவேந்திர சிங் ராவத் கூறுகையில், “கொரோனா தொற்று பரவாமல் தடுக்க ஹால்ட்வானியின் பன்பல்பூரா பகுதியில் ஊரடங்கு உத்தரவு பிறப்பிக்கப்பட்டுள்ளது. ஞாயிற்றுக்கிழமை இப்பகுதியில் ஏராளமான கூட்டம் இருந்தது. இதனால் தான் இந்த நடவடிக்கை முன்னெச்சரிக்கையாக எடுக்கப்பட்டுள்ளது.
இந்த 25 மாவட்டங்களில் 14 நாட்களில் புதிய கொரோனா தொற்று இல்லை:
கோண்டியா-மகாராஷ்டிரா
ராஜ்நந்த்கான், துர்க் மற்றும் விலாஸ்பூர் – சத்தீஸ்கர்
தேவாங்கிரி, உடுப்பி, தும்குரு மற்றும் கோடகு – கர்நாடகா
வயநாடு மற்றும் கோட்டயம் – கேரளா
மேற்கு இம்பால் – மணிப்பூர்
தெற்கு கோவா-கோவா
ராஜோரி – ஜம்மு-காஷ்மீர்
ஐஸ்வால் வெஸ்ட்-மிசோரம்
மகே-புதுச்சேரி
எஸ்.பி.எஸ் நகர்-பஞ்சாப்
பாட்னா, நாலந்தா, முகர்-பீகார்
பிரதாப்கர் – ராஜஸ்தான்
பானிபட், ரோஹ்தக், சிர்சா-ஹரியானா
பவுரி கர்வால் – உத்தரகண்ட்
பத்ராட்ரி கோட்டகுடம் – தெலுங்கானா.
