உலகிலேயே நீளமான பாம்புகளில் ஒன்றாக கருதப்படும் 4 கோடி ஆண்டு பழமையான வாசுகி பாம்பானது இந்தியாவில் வாழ்ந்திருப்பது கண்டுப்பிடிக்கப்பட்டுள்ளது.உலகிலேயே மிகவும் நீளமானதாகவும் அதிக எடையை கொண்ட பாம்பான வாசுகி பாம்பு இந்தியாவில் குஜராத் மாநிலம் கட்ச் பகுதியில் வாழ்ந்திருப்பது உறுதி செய்யப்பட்டுள்ளது.
சிவன் கழுத்தில் இருக்கும் வாசுகி பாம்பு உண்மையிலேயே இந்த பூமியில் இருந்ததற்கான ஆதாரத்தை ஆராய்ச்சியாளர்கள் கண்டறிந்துள்ளனர். குஜராத்தில் இதன் புதைப்படிவங்கள் கண்டுபிடிக்கப்ட்டுள்ள நிலையில், இதிகாசங்களில் வாசுகி பாம்பை பற்றி விவரிக்கப்பட்டுள்ளதற்கு இணையாக இந்த பாம்பு இருப்பதால் இதுதான் வாசுகி பாம்பாக இருக்குமோ என்று ஆராய்ச்சியாளர்களே சந்தேகிக்கின்றனர்.
இந்து தெய்வங்களில் முதன்மையானவராக கருதப்படும் சிவபெருமானின் கழுத்தில் பாம்பு ஒன்று எப்போதுமே இருப்பதை நாம் பார்த்திருப்போம். இந்த பாம்பை இதிகாச புராணங்கள் வாசுகி பாம்பு என்று பெயரிட்டு அழைக்கின்றன. இந்த பாம்பு மிக பிரம்மாண்டமான அளவில் இருக்கும் என்றும், மிகக் கொடிய விஷத்தன்மையை இந்த பாம்பு கொண்டிருக்கும் என்று இதிகாசங்கள் தெரிவித்துள்ளன.
குஜராத் மாநிலம் கட்ச் பகுதியில் அண்மையில் நடைபெற்ற ஆராய்ச்சியில் ஒரு மிகப்பெரிய உயிரினத்தின் புதைப்படிவம் ஒன்று கண்டுபிடிக்கப்பட்டுள்ளது. முதலில் இதை பார்த்த ஆராய்ச்சியாளர்கள், ராட்சத முதலையாக இருக்கலாம் என நினைத்தனர். அதன் பிறகு முழுமையாக அந்த புதைப்படிவத்தை எடுத்த பிறகு ஆராய்ச்சியாளர்களே மிரண்டு போய் நின்றிருக்கின்றனர். ஏனென்றால் அது முதலையோ அல்லது டைனோசரஸோ அல்ல. ஒரு மிகப்பெரிய பாம்பு என்பது தெரியவந்தது. இதை ஆராய்ந்த ரூர்க்கி ஐஐடி பேராசிரியர்கள், இதிகாசங்களில் கூறப்பட்ட வாசுகி பாம்பை இது ஒத்திருப்பதாக தெரிவித்துள்ளனர்.
இந்த புதைப்படிவங்கள் 45 மில்லியன் ஆண்டுகளுக்கு முந்தையது என்பது தெரியவந்துள்ளது. அதாவது, 4.7 கோடி வருடங்களுக்கு முன்பாக இந்த ராட்சத பாம்பு பூமியில் வாழ்திருக்கிறது. 45 அடி நீளம் வரை வளரும் தன்மை கொண்ட இந்த பாம்பு, 1000 கிலோ எடையுடன் இருந்திருக்கும் எனக் கூறப்படுகிறது. மேலும், நிலத்திலும், சில நேரங்களில் நீருக்கடியில் உள்ள உயிரினங்களையும் இந்த பாம்பு வேட்டையாடி உட்கொண்டிருக்கும் எனவும் ரூர்க்கி ஐஐடி பேராசிரியர்கள் தெரிவிக்கின்றனர். இதிகாசங்களில் கூறப்படும் வாசுகி பாம்பாக இது இருக்கக்கூடும் என அவர்கள் தெரிவிக்கின்றனர்.
சுமார் 65 மில்லியன் ஆண்டுகளுக்கு முன்பு டைனோசர் இனம் அழிந்ததாக அறிவியல் கூறுகிறது. ஆனால், இந்த வாசுகி பாம்பு இனம் அதற்கு முன்பே அதாவது டைனோசர் காலத்தில் இருந்து 23 மில்லியன் ஆண்டுகளுக்கு முன்பே வாழ்ந்து கொண்டிருந்ததாக ஆராய்ச்சியாளர்கள் தெரிவிக்கின்றனர். இந்நிலையில், இந்த வாசுகி பாம்பு இனத்தின் புதைப்படிவத்தையும், முதுகெலும்பையும் வைத்து ரூர்க்கி ஐஐடியில் ஆராய்ச்சிகள் தொடர்ந்து வருவதாகவும், அதில் பல திடுக்கிடும் தகவல்கள் கிடைத்து வருவதாகவும் கூறப்படுகிறது.
