நாடாளுமன்றத்தின் மழைக்கால கூட்டத்தொடரின் இரண்டாவது வாரம் ஜூலை 19, 2021 -ல் தொடங்கி முடிந்துவிட்டது.
பல முக்கியமான மசோதாக்கள் எதிர்பார்க்கப்பட்டு, மத்திய அரசால் முன்னர் சுட்டிக்காட்டப்பட்டபடி பெரிய கொள்கை சீர்திருத்தங்கள், இந்த அமர்வில் பொருளாதார உற்பத்தித்திறன் தொடர்பான பொதுவான எதிர்பார்ப்பு அதிகமாக இருந்தது.
ஆனால் துரதிருஷ்டவசமாக, முதல் நாளிலிருந்தே எதிர்க்கட்சிகள் நாடாளுமன்றத்தினை முடக்குவதுதிலேயே குறியாக இருந்தார்கள். நாடாளுமன்றம் கூட்டப்பட்ட முதல் நாளிலிருந்து கூட்ட தொடருக்கு இடையூறு கொடுப்பதில் தான் எதிர்க்கட்சிகள் ஆர்வம் காட்டினார்கள்.
லோக்சபா மற்றும் ராஜ்யசபா ஆகிய இரண்டும் எதிர்க்கட்சித் தலைவர்களின் கோஷங்கள், அரசு ஆவணங்களை கிழித்தல், மேடை சேதப்படுத்துதல், ஆர்ப்பாட்டங்கள் போன்றவற்றால் தங்கள் இரு அவைகளையும் ஒத்திவைக்க வேண்டியிருந்தது.
புதன்கிழமை, 14 எதிர்க்கட்சித் தலைவர்கள் கூட்டத்தில் கலந்து கொண்ட பிறகு, நாடாளுமன்றத்தில் ஏற்பட்ட குழப்பம் குறித்து கேட்டபோது, காங்கிரஸ் தலைவர் ராகுல் காந்தி வெளிப்படையாக கூறினார் – “அது (பெகாசஸ் விஷயம்) விவாதிக்கப்படும் வரை நாங்கள் எங்கும் செல்லவில்லை.”
பெகாசஸ் உளவு விவகாரம் உள்ளிட்ட பல்வேறு காரணங்களால் நாடாளுமன்றம் முடங்கிவரும் வேளையில் மத்திய அரசு சார்பில் பெகாசஸ் விவகாரம் தொடர்பாக பதிலளிக்கப்பட்டிருக்கிறது. ஆனலும் எதிர்க்கட்சி வேண்டுமென்ற நாடாளுமன்றத்தை முடக்கினார்கள்.
மேலும் இந்த விவகாரத்தில் ஓய்வுபெற்ற நீதிபதி அல்லது நீதிபதி மூலம் நீதி விசாரணை நடத்த உத்தரவிடக் கோரி உச்ச நீதிமன்றத்தில் பல்வேறு மனுக்கள் தாக்கல் செய்யப்பட்டன.இந்த வழக்கை விசாரித்த தலைமை நீதிபதி ரமணா, ‘ஊடகங்களில் வந்த பெகாசஸ் தொடர்பான செய்திகள் அத்தனையும் உண்மையானால் இந்த விவகாரம் தீவிரமானது. ஆனால் இவ்வழக்கில் அத்தனையும் ஊடகங்கள் சொல்வதாகத்தான் உள்ளதே தவிர, வேறு எந்த ஆவணமும் இல்லை. பாதிக்கப்பட்டவர்களும் தங்களது போன் ஒட்டுக்கேட்கப்பட்டது என்கிறார்களே தவிர, வேறு எந்த ஆதாரமும் தரவில்லை. பாதிக்கப்பட்டவர்கள் யாருமே ஏன் கிரிமினல் வழக்கு தொடரவில்லை’ எனக் கேள்வி எழுப்பியது குறிப்பிடத்தக்கது.
இந்த முறை திரிணாமுல் காங்கிரஸ் எம்.பி சாந்தனு சென் மின்னணு மற்றும் தகவல் தொழில்நுட்ப அமைச்சர் அஷ்வினி வைஷ்னாவிடம் இருந்து ஒரு சுய அறிக்கை காகிதத்தை பிடுங்கி, அவர் உரையாற்ற எழுந்தபோது அதை கிழித்தெறிந்தார்.
இதுபோன்ற அத்து மீறும் செயல்கள் இருந்தபோதிலும், முக்கியமான மசோதாக்களை நிறைவேற்றியது மத்திய அரசு. கடந்த வியாழக்கிழமை- கூட்ட தொடரின் 9 வது நாள், எதிர்க்கட்சிகளின் பெரும் அமளிகளால் மேல் மற்றும் கீழ் சபைகளில் அமர்வுகள் ஒத்திவைக்கப்பட வேண்டிய சூழ்நிலையிலும் 4 முக்கிய மசோதாக்களை நிறைவேற்றியது- மத்திய அரசு
விமான நிலைய பொருளாதார ஒழுங்குமுறை ஆணையம் (திருத்தம்) மசோதா, 2021
காரணி ஒழுங்குமுறை (திருத்தம்) மசோதா 2020
தென்னை மேம்பாட்டு வாரியம் (திருத்தம்) மசோதா, 2021
சிறுவர் நீதி (குழந்தைகள் பராமரிப்பு மற்றும் பாதுகாப்பு) திருத்த மசோதா, 2021
மேலும், மக்களவை சபாநாயகர் ஓம் பிர்லா, எம்.பி.க்கள் நடவடிக்கைகளை நிறுத்த முயன்றால், அவர்கள் நிறுத்தாவிட்டால் அதிகாரப்பூர்வ நடவடிக்கைகள் எடுக்கப்படும் என்று எச்சரித்தார்.
குஜராத் சமாச்சார் அறிக்கையின்படி, மழைக்கால கூட்டத்தொடரின் ஒரு வாரத்தில், வெறும் 12 மணிநேரம் வேலை செய்யப்பட்டுள்ளது., அதே நேரத்தில் ராஜ்யசபா 8.2 மணிநேரம் வேலை செய்தது, ஏனெனில் 33.8 மணிநேரம் இடையூறுகளால் முடக்கப்பட்டுள்ளது.
உண்மையில், அறிக்கை கூறுகிறது-
இந்த அசம்பாவிதங்களால் மக்களின் 54 கோடி ரூபாய் வரி பணம் வீணாகியுள்ளது.
Get real time update about this post categories directly on your device, subscribe now.
