பிரபல நடிகர் விஜய் நடத்தி வந்த மக்கள் இயக்கத்தினை அரசியல் கட்சியாக தேர்தல் ஆணையத்தில் பதிவு செய்து தமிழக வெற்றிக் கழகம் (Tamizhaga Vetri kazhagam) என பெயர் சூட்டினார். அதன் அவரின் அரசியல் நகர்வுகள் சூடுபிடிக்க தொடங்கியது. மேலும் விஜயின் தமிழக வெற்றிக்கழகம் வரும் 2026 ஆம் ஆண்டு நடைபெறும் சட்டமன்ற தேர்தலில் போட்டியிட போவதாகவும் அதற்கு இடையில் இருக்கும் இரண்டு ஆண்டுகள் தனது கட்சியை மக்கள் மத்தியில் கொண்டு போய் சேர்க்கும் பணியில் அவர் ஈடுபட போவதாகவும் தெரிவித்தார்
இதற்காகவே அவர் இன்னும் ஒரே ஒரு படத்தில் மட்டும் நடித்து விட்டு முழு நேர அரசியல்வாதியாக மாறப் போகிறார் என்றும் அவரது ரசிகர்களும் கட்சியின் தொண்டர்களாக மாறி கட்சியின் கொள்கைகளை மக்கள் மத்தியில் பரப்பும் பணியில் ஈடுபட ஆரம்பித்துவிட்டனர் என்பதும் குறிப்பிடத்தக்கது. இந்த நிலையில் விஜய்க்கு அரசியல் ஆலோசகராக பிரசாந்த் கிஷோர் இருப்பார் என்று கூறப்பட்ட நிலையில் இது குறித்து அவரே விளக்கம் அளித்துள்ளார். விஜய்க்கு நான் ஆலோசகராக மாட்டேன், விஜய் விரும்பி கேட்டாலும் கூட அவருக்கு முழு நேர ஆலோசகராக இருக்கும் எண்ணம் எனக்கு இல்லை என்றும் தெரிவித்தார்.
ஆனால் அதே நேரத்தில் என்னை மதித்து என்னிடம் வருபவர்களுக்கு என்னால் முடிந்த அறிவுரைகளை கொடுப்பேன் என்றும் அவர் கூறினார். மேலும் வரும் பாராளுமன்ற தேர்தலில் அவர் எந்த தமிழக கட்சிக்கும் ஆலோசகராக இருக்க போவதில்லை என்றும் கூறியுள்ளார்.
Get real time update about this post categories directly on your device, subscribe now.
