பிரதமர் மோடி, இரண்டு குழந்தைகளுக்கு மேஜிக் செய்து வேடிக்கை காட்டிய வீடியோ ஒன்று சமூக வலைதளங்களில் வைரலாக பரவி வருகிறது.
எக்ஸ் சமூக வலைதளத்தில் ‛ குழந்தைகளுடன் குழந்தையாக மாறுகிறார் மோடி ‘ என்ற தலைப்பில் வீடியோ ஒன்றை பா.ஜ., வெளியிட்டது.
அந்த வீடியோவில், சிறுவன் மற்றும் சிறுமி ஆகியோர் மோடியை சந்தித்து உள்ளனர். அப்போது, அவர்களின் காதை பிடித்து விளையாடிய மோடி, பிறகு அந்த குழந்தைகளுக்கு வேடிக்கை காட்டும் வகையில், காசு ஒன்றை வைத்து மேஜிக் செய்து காட்டும் காட்சிகள் இடம் பெற்றுள்ளன.
இந்த வீடியோ சமூக வலைதளங்களில் வைரலாக பரவி வருகிறது. இந்த வீடியோ, எப்போது, எங்கு எடுக்கப்பட்டது, மோடியை சந்தித்தவர்கள் யார் என்ற விபரங்கள் ஏதும் வெளியாகவில்லை. இந்த வீடியோவை பிரதமர் மோடியும், தனது ‛ இன்ஸ்டாகிராம் ‘ பக்கத்தில் பகிர்ந்துள்ளார்.
